DARSE JAMIUT TIRMIZI, CHAPTER : FITNE(AKHIRI ZAMANEH KI AZMAYISHE), DAY : 541,Hadees No :2333,

DARSE JAMIUT TIRMIZI, CHAPTER : FITNE(AKHIRI ZAMANEH KI AZMAYISHE), DAY : 541,Hadees No :2333,

 

Hazrat Abdullah Bin Amr (raziyallahuanhu),se rivayat hai,kaha,
Rasool e Akram (sallallahualihiwasallam) ne farmaya : Ek Fitnah Saare Arab per Cha jayega,aur wo Usme Qatl hone wale Saare logo ko Jahannam me daldega,Akhiri Zamaneh me Talvar se Ziyadah Tezz Zuban hogi.
(Vol/2,Hadees No :2333),
Dars : Ulama e Kiram ne isko Jang ka fitna kaha hai,ke Arab Mulko me jangi Mahol paida hoga,jisme kisi ko koi faidah Nahi hoga,Balke Noqsan hi hoga,jisme Maare jane wale Saare Log Apas me Ek doosre Musalman ko Maarne ki wajah se Jahannam me jayenge,jiski Taza Misal Syria(Mulke Shaam) aur Yaman ke Halaat hai,etc…Jab Islami Mulko ke hi Musalman Ayse Azmayisho me pad jaye to Ghair islami Mulko ke Halaat is se bhi Ziyadah Azmayish wale honge,lehaza Jhagdo aur fasad wa Na ittefaqi me padne ke bajaye,Apas me muttahid hojaye aur Waqt Allah ki Bandagi me Guzare to 2 jahan me kamiyabi ka sabab hoga..insha Allah.
●● Zuban ki Museebate : Ye Zuban Har daur me Sahi istemal Na kare to Badi hi Noqsan wali Sabit hoti hai,Zuban hi se Insaan ki Pahchan hoti hai,aur usi se uske Akhlaaq ka moazanah kiya ja sakta hai,is zuban se sirf ek baar Kalimah padhe to Pichle Saare Gunah Maaf hojate hai,aur usi Zuban ko ghalat istemal kare to jahannam me jane ka sabab hogi,etc..Lekin Akhiri Zamaneh me Log Apas me Talvaro se ziyadah Zubano se Takleef denge,jiski wajah se apasi Ekhtelaf paida hokar,jhagdo me mubtala hojayenge,
Allah hame Har qisam ki Azmayisho se mahfooz kare..Ameen.
Plz..Share it to All,for more visit our islamic web site..anwaarulislam,com.