DARSE JAMIUT TIRMIZI,CHAPTER : Gawahi, DAY : 616,Hadees No :2470,

DARSE JAMIUT TIRMIZI,CHAPTER : Gawahi, DAY : 616,Hadees No :2470,

 

Hazrat Abu Bakrah (raziyallahuanha),se rivayat hai,kaha,
Rasool e Akram
(sallallahualihiwasallam) ne farmaya : Kiya Mai Tumhe Sabse Bade Gunaho ke Bare Me Na batavo ? To Sahaba e kiram(raziyallahuanhumajmayin) ne arz kiya Ya Rasoolallah Kyu Nahi Zaroor bataye,to aapne farmaya : Allah ke Saath Shirk Karna,Walidain ki Na Farmani karna,aur Jhooti Gawahi dena,ye akhiri wale jumleh ko aap Baar Baar Dohrate rahe to Sahab ne kaha hum dil me khayal kar rahe the ke Kaash Aap Baar Baar kahne se ruk jate.
(Vol/2,Hadees No :2470),
Dars : Shirk : Jo Shaks Allah ke Barabar Zaat aur Sifat me kisi Makhlooq ko samjhe to wo Shirk hai,aur Agar kisi Bandeh ki Taqat aur Qudrat Allah ki ata ki huvi hai,ka Aqeedah rakhe aur us se Madad maange to wo Shirk Nahi kahlayega,kyu ke uska Aqeedah hi ye hai,ke Taqat Allah ki ata ki huvi hai,jabke Allah ki taqat kisi ki ata ki huvi nahi hoti hai,Balke Wo Khud se hi taqatwar hai,lehaza Khaliq aur Makhlooq me farq hogaya..aur Shirk wa Aqeedat me bhi…
■■ Walidain ki Na farmani : Allah ki ibadat ke Baad Sabse Behtreem Kaam Walidain ki khidmat hai,aur yeh Ibadat ka darjah rakhti hai,kyu ke Allah ki ibadat se aur Walidain ki khidmat se jannat Naseeb hoti hai,to jab walidain Ba Hayat ho to Bacho ki ibadat ke bhi 2 Makan hote hain,Ek Masjid to Doosra Uska Ghar,Masjid me bhi Nekiya aur Ghar me bhi Nekiya,Ghar me Walidain Raazi to Madjid me Allah bhi Raazi,Ghar me Walidan Na Raaz to Masjid me Allah bhi Na Raaz..!!! Ibadat koi Kaam Na ayegi,Bud Walidain ki khushi Me Allah ki khushi hai,to Islami Bhayiyo Apne Walidain ko Ghaneemat jano aut jinke Walidain inteqal kargaye ho to Maghfirat ki Hamesha Dua kare,
●● Jhooti Gawahi me Dono ko dhoka dena lazim ata hai,Ek Allah ko aur Doosra Bando ko in dono ko Dhoka dene se Allah bhi Na Raaz aur Bandeh bhi Na Raaz isliye Isko Baar Baar aap sallallahualihiwasallam shiddat se farma rahe the to Sahaba aapne Khamoosh hone ki tamannah kar rahe the.
Allah hame Shirk,Walidain ki Na farmani aur Jhooti Gawahi se mahfooz kare..Ameen Ya Rabbi..
Plz..Share it to All,for more visit our islamic web site..anwaarulislam,com.