DARSE JAMIUT TIRMIZI

DARSE JAMIUT TIRMIZI

 

CHAPTER : ZUHUD(AKHIRAT KI TAYYARI), DAY : 709,Hadees No :2597,

Hazrat Ayisha Sidiqah (raziyallahuanha) se rivayat hai,kaha, Rasool e Akram
(Sallallahualihiwasallam) ne farmaya : Jo Shaks Logo ki Na Raazgi ko Nazar andaz karke Allah ki Raza Hasil karta hai,to Allah uske liye Kaafi hojata hai,aur Jo Shaks Logo ki Razamandi ki khatir Allah ki Narazgi ko Nazar andaz karta hai,to Allah usko Logo ke hi Hawale kardeta hai.
(Vol/2,Hadees No :2597),
Dars : Is Kuch Pal ki Dunya me Bohat Saari aysi Khahishaat hoti hain,ke jisko pura karne me Badeh keliye Badi Azmayish hoti hai,lekin jo Bandah uske pura karne me Allah ki Raza ko aage rakhta hai,to wo Har Azmayish me kamiyab rahta hai,aur jo Logo ki Raza ko Aage rakh kar Allah ki Na Raazgi ko Nazar andaz kardeta hai,to Allah usko Logo ke hi supurd kardeta hai,ab ye Log Khudgharz hote hai,kuch faidah ho to uska Saath dete hain,aur uska Ehteram bhi karte hain,aur Jab Kaam khatam hojaye to Usko Nazar andaz karte hai,aur usko Zaleel bhi…
To Har Haal me Hame Allah ki Raza ko dekhna hoga,
■■ Bandah Allah ki Raza ki khatir Apne Chahreh per Daadhi(Beard) rakhna Chahta hai,to Afsos Baaz ke Paas Maa Baap us se rokte hai,aur Baaz ke paas uski Bivi Inkar karti hai,to Ab Bandeh ko Chahiye ke Deen ke Ahkamaat ke baare me Agar Maa Baap aur Bivi Na Raaz ho to unki Baat ko Chod de aur Deeni Ahkamaat per Amal kare jis se Allah ki Raza Naseeb hogi,aur Sawab bhi milega,
Allah hame Hamesha Allah ko Raazi karne wale Raasteh apnane wala banaye..Ameen ya Rabbi.
Plz..Share it to All,for more visit our islamic web site…
www.anwaarulislam,com.