DARSE JAMIUT TIRMIZI

*CHAPTER : QIYAMAT KE SIFAAT, DAY : 733,Hadees No :2632,*

Hazrat Sauban (raziyallahuanha) se rivayat hai,kaha,Rasool e Akram (Sallallahualihiwasallam) ne farmaya : Mera Hauze Kausar Adan se lekar Umman tak hoga aur Uska paani Doodh se Ziyadah safaid(White) aur Shahed(Honey) se ziyadah Meetha hoga,Jo iska Paani piyega to wo Kabhi Piyasa Nahi hoga,Hauze Kausar per sab se pahle Aane wale logo me Hijrat karne wale Ghareeb log honge,jinke Baal Bikhre huve honge aur Kapdo me Dhool jami huvi hogi.
(Vol/2,Hadees No :2632),
Dars : Ye Adan se lekar Umman is liye kaha gaya hai,ke Hauze Kausar ki kushadgi zahir ki jaye jo Bando ke zahno ke lehaz se bataya gaya hai,
■■ Hauze Kausar ki sifat me Safaidi aur Mithas ka izhar isliye bhi kiya gaya ke Jo Bandeh dunya me Saaf Dil aur Meethe Bol wale hote hai,to ye jis tarah Dunya me kisi cheez ke piyase Nahi hote hai,to isi tarah Akhirat me Hauze Kausar ki Barkat se kabhi kisi cheez ke piyase Nahi honge,
●● Ghurbat aur Ghareebi Ayb Nahi hai,Balke ye bhi Rab ke qareeb hone ka zariyah hai,to ye Ayb Nahi balke Nemat huvi,to kisi Ghareeb ko Bura Na kaho aur Na hi unko Buri Nigah se dekhi kyu ke ab wo Bando ka Nahi Balke Bando ke Rab ka Mahboob hojata hai,
Haan,jo Log Taqat wale aur Sehat Mand jis rakh kar Logo se Ghareebi ka izhar karke paise maangte phirte hai,to yeh Ghareebo me shumar Nahi hote hai,inko Akhirat me koi Nemat nahi milne wali hai,Deen e islam Maang kar Nahi Balke Kaam karke kamane ki taleem deta hai.
Allah hame Nek Amal ki taufeeq Naseeb farma..Ameen Ya Rabbi.
Plz..Share it to All,for more visit our islamic web site..
www.anwaarulislam,com.