DARSE JAMIUT TIRMIZI,CHAPTER : AHKAAM , DAY : 281,

Hazrat Abu Hurairah(raziyallahuanhu) se rivayat hai,kaha,Rasool e Akram

(Sallallahualihiwasallam) ne farmaya : Jab Hakim Koshish karke koi Faislah kare aur wo faislah Sahi Sabit hojaye to usko 2 Ajar Milenge,aur Agar wo faislah Sahi sabit Na bhi ho to usko 1 Ajar milega.
(Vol/1,H,No :1376),
Dars :Hakim ki Koshish Quran,Hadees,Ijma’eUmmat aur Qiyas(Wo Fikar wa Nazar jo Quran wa Hadees ki roushni me ho..) ki Raushni me ho to wo Faislah Haq sabit hone per 2 Ajar aur Ghair Munasib sabit hone per 1 ajar milega,
ye 1 Ajar isliye milta hai,kyu ke wo Deeni wa islami,Samaji wa Moasharati Masaayil ke Hal karne keliye koshish kiya hai,to ye koshish karne ka Ajar hai,
■■ Jo In 4 Cheezo ke Baghair Faislah karta hai,to usko kisi qisam ka Ajar Nahi milta hai,
●● Is se ye Sabit hota hai,ke jo Bandah Islami Ahkamaat ki rauhni me zindagi guzarta hai,to kabhi bhi Noqsan me Nahi hota hai,
Baaz Log,Sahaba e kiram
(raziyallahuanhumajmayeen) me se kisi sahabi ke faislah se unhe Bura bhala kahte hai,ye sahi Nahi hai,Hume kisi qisam ka Haq nahi milta,ke hum kisi sahabi e Rasool ko BuraBhala kahe,Usko Allah per chod dena chahiye, ye Amal hamari Dunya wa Deen dono ko Tabah wa barbad kardeta hai.
Allah hame ittehad,aur Hikmat Naseeb kare..Ameen.