DARSE JAMIUT TIRMIZI

CHAPTER : ZUHUD(AKHIRAT KI TAYYARI), DAY : 701,Hadees No :2584,

Hazrat Abu Hurairah (raziyallahuanhu) se rivayat hai,kaha,Rasool e Akram
(Sallallahualihiwasallam) ne farmaya :
Akhiri Zamaneh yani Qiyamat se pahle Kuch Ayse log Ayenge Jo Dunya ko Deen se Mila denge aur Seedha Sadha Libas pahnenge,Unki Zubane Shakkar(Sugar) se bhi Ziyadah meethi hongi,Magar Unke Dil Darindo se bhi Ziyadah Sakht honge,Allah Azza Wa Jallah farmayega ke : Ye Log kiya mujhe Dhoka De rahe hai,Ya Mujh per Jur’at kar rahe hai ?
Phir Allah un Sabko Ek Aysi Azmayish me Dalega ke Aqalmand Shaks bhi us Azmayish se Pareshan hojayega.
(Vol/2,Hadees No :2584),
Dars : Ye Wahi Bade Bade Log hai,Jin me Baaz Leader hai,yo koi Wazeer,Koi Rayees to koi Chote se Village ka leader etc..isme wo Sab log Shamil hain,jo Qaum se Jhote Waade karke Bade Mansab ko Hasil karliye hai,jisko Hasil karne me unhone Apni Meethi Zuban ko Istemal kiye hain,lekin ye log Mansab milne ke Baad sabko Bhool jate hain,aur phir apne Sakht Dil se Sabko Zahiri aur Batini,Wajah aur Be Wajah se Takleef dena shuru karte hai…!! Phir ye Sab kuch karke Wo Apne Aapko Qaum ka Humdard bhi Sabit karte hai..!!
■■ Aaj Dunya me Kayi Misale payi jati hain ke ,Jo log Insaano ko Sare Aam Qatl karne,Ladkiyo ki izzato ko lootne aur Daaka daalne aur Sabko Pareshan karne ka Hukm diye ho to Aaj unhi ko “Aman e Aalam” ka in’aam diya ja raha hai,to kahi ayse hi logo ko Apna Wazeer banaya jaraha hai,etc..aur ye log Dunya ki baato aur Mahol me rah kar use Deem me milane ki koshish karte rahte hai,jabke Qanoon e Shareeat ka Muhafiz to khud Allah hi hai,ye kuch Nahi karsakte hai,Magar Allah inko Zaroor azmayish me daalega aur inko Sakht se sakht Saza dega.insha Allah.
Allah hame Ayse Logo se Mahfooz rakhe..Ameen Ya Rabbi..
Plz..Share it to All,for more visit our islamic web site…
www.anwaarulislam,com.