DARSE JAMIUT TIRMIZI

*CHAPTER : QIYAMAT KE SIFAAT, DAY : 719,Hadees No :2614,*

Hazrat Anas Bin Malik (raziyallahuanhu) se rivayat hai,kaha, Rasool e Akram
(Sallallahualihiwasallam) ne farmaya : Qiyamat ke Din jis Bandeh ko pesh kiya jayega to Allah farmayega ke : aye Bandeh tujhe maine Dawlat aur Nemato se Nawaza tha to tune unka kiya kiya ? To Bandah kahega ke Aye Allah us Maal aur Nemat ko Maine Jama kiya aur unko Tijarat me laga ke ziyadah kiya aur unko Pahle se ziyah karke Chod aya hoon,Aap Mujhe Dobarah Dunya me lautayenge to usko Yaha Lekar avunga !!
To phir Allah farmayega,Tune unkk Akhirat keliye Jama kiya ? To bandah kahega ke : Aye Allah us Maal aur Nemat ko Maine Jama kiya aur unko Tijarat me laga ke ziyadah kiya aur unko Pahle se ziyah karke Chod aya hoon,Aap Mujhe Dobarah Dunya me lautayenge to usko Yaha Lekar avunga !!
Us waqt Bandah Hisab me koi Neki Nahi pesh karsakega phir usko Jahannam me dala jayega.
(Vol/2,Hadees No :2614),
Dars : Ye Dunya waqti hoti hai,aur isme milne wali Nemate bhi waqti hi hoti hai,yaha Har koi Apne Apne Andaaz me Maal jama karne me laga huva hai,kisi maqsad Shohrat hai,to kisi ka Izzat,etc…
Baaz Nek log bhi hote hai,jo apne Maal ko Allah ke Raasteh me lagane keliye jama karte hain,aur usko Allah ki Raah me kharch bhi karte hai,inko Allah behisab Nemato se 2 Jahan me nawazega,
Lekin Aksar log Halal wa Haram me tameez kiye Maal jama karne me lage huve hai,jabke wo Maal khud keliye Nahi balke unki Awlaad keliye jama kar rahe hai,aur dastoor yahi hai,ke jab Awlaad ki parwarish Haram Maal se hoti hai,to Wo Awlaad bhi Na Farmaan Nikalti hai…!!
■■ Baaz Tajir(Buiseness men) aur Political Leaders etc..Be Hisab Maal Halal wa Haram ki Tameez kiye baghair Jama kiye hain,aur Aaj bhi Logo ko Dhoka dekar Haram Maal jama karne me lage huve hain,jiska Anjaam wo dunya me bhi dekhenge aur Akhirat me unko DardNaak Saza bhi milegi aur unko jahannam me dala jayega,lehaza ham sabko Chahiye ke Halal Maal kama kar use Allah ke Raasteh me kharch karna chahiye taake wo qiyamat ke Din Bakhshish ka zariyah Ban jaye..
Allah hame Apne Maal ko Raah e haq me kharch karne Wala Banaye..Ameen Ya Rabbi.
Plz..Share it to All,for more visit our islamic web site..
www.anwaarulislam,com.