DARSE JAMIUT TIRMIZI ,DAY 861,HADEES NO : 2803

HAZRAT SAYYIDUNA ABU HURAIRAH (raziallahu) se rivayat hai, kaha:RASOOLULLAH ﷺ NE farmaya:

Do Aadmiyo ko Jahannam me dala jayega to wo Do Shaks Bohat Cheekhne lagenge to Allah Taala hukm dega ke un dono ko Jahannam se Nikalo,to unko Nikala jayega Phir Allah unse unke Cheekhne ki wajah Poochega to wo Kahenge ke : Humne is tarah isliye kiya ke taake Aye Hamare Rabb Tu hum per Rahem kare to Allah farmayega ke Mere Rahmat tumhare liye ye hai,ke tum Apne Aap ko Waha Daaldo jaha tum the,to unme Ka ek shaks Chala jayega aur apne aapko Jahannam me daal dega to Allah us Bandeh ko Rahmat aur Dhandak ke Maqam me Daal dega,

Phir Wo Doosra Shaks Apne aapko Jahannam me Nahi daalega to Allah us se usko wajah Poochega to Wo Kahega ke Aye Allah Aye Tujh se ye UMEED karta hoon ke Tu mujhe Dobarah Jahannam me Na Daal to Allah farmayega ke Tere Liye Teri UMEED hai,Phir Allah ke Rahmat ke Sadqeh un Dono logo ko Jannat me Daal diya jayega.

(Jamiut Tirmizi, Vol/2,Hadees No :2803),

Dars : Bandeh ki Zindagi me Baaz Ayse bhi Marhale aate hai,ke wo Un Marhalo ko Samajh Nahi pasta hai,aur wo Bandah Be Chain aur Be qarar hojata hai,to Aysi Soorat me Bandeh ko Chahiye ke Apne Moamlaat ko Allah k Supurd karde aur Allah se Khair ki Umeed kare aur Dunya walo se Umeede Na lagaye to Allah yaqeenan us keliye Bahalayi ke Raaste khol dega aur usko Apni Rahmat ke Aagosh me Sama lega,Phir uski Har jayiz Murad ko puri karega,

☆ Hadeese Shareef me is Baat ki Taraf bhi isharah hai,ke BANDAH Apne Aamal me Allah ki Rahmat ka talabgaar Bane to uske Eimani Umoor wa Noor me Barkat Naseeb hogi,

Allah Hame Apni Aagoshe Rahmat me rakhe..Ameen YA Rabbi…

For more information please visit our website www.anwaarulislam.com

●○ WRITTEN BY ○•

MUFTI RAHMATULLAH QADRI

(FOUNDER MADARSAH ANWAARULISLAM LIL BANAT, TAYYAB NAGAR, MAHBUBNAGAR, TELANGANA),