DARSE JAMIUT TIRMIZI,CHAPTER : ZUHUD(AKHIRAT KI TAYYARI), DAY : 655,Hadees No :2517,*
Hazrat Salamah Bin Ubaidullah (raziyallahuanhu),se rivayat hai,kaha,
Rasool e Akram
(sallallahualihiwasallam) ne farmaya : Jab Bandah Apne Ghar me Aman ke saath Neend se Bedar hojaye,Jism Har Bala se Mahfooz ho aur Uske Paas Us Din ke Khane ka intezam bhi ho to Usko Dunya ka Pura Hissah mil gaya hai.
(Vol/2,Hadees No :2517),
Dars : Is Hadees e Paak me Dunya ki Dawlat ka Meyar(Quantity) bataya gaya hai,ke Bandeh ke Paas Aman,Sehat aur Ek Din ki Ghiza bhi ho to wo Dunya me Maaldaro me se hai,aur uske liye Dunya me izzat se jeene keliye wo Cheeze kaafi hai,aur uske Alawah Halal tariqo se Allah usko Dawlat se Nawaze to wo Rabb ka fazal hai,aur Agar Bandah apni Zaroorat se ziyadah Haram Raasto se Maal ko kamaye to wo uske aur Saare Gharwalo keliye Wabal e Jaan banjayega Dunya me bhi aur Akhirat me bhi,
Lekin Akhirat ki tayyari keliye koi Meyar muqarrar Nahi kiya gaya hai,kisi bhi etebar se jitni ibadat karna ho karo jitna zikr aur jitne Nek kaam karna ho karo koi meyar nahi balke Rabb se Qurbat aur Akhirat me Shifa’at aur Darjo me Rif’at insha Allah zaroor Naseeb hogi,
●● Baaz Log Hamesha kisi Na kisi ko Phansa kar Maal Hasil karne ki koshish me lage rahte hai,aur Baaz log Haram Tariqo se Maal kamate rahte hain,aur unke Rozanah ka yahi Mamool hota hai,jabke Unko pata bhi hota hai,wo kiya kar rahe hain,phir bhi Ek Buri Bala me pad kar Dunya wa Akhirat Bigad lete hai,ayse logo ko apne us Bure Kaam se taubah karke Halal Raasto ke Apnana Chahiye warna Bohat Bura wa DardNaak Anjaam hoga..!!
Allah hame Khushiyo aur Qina’at wali Dunya Naseeb kare..Ameen Ya Rabbi.
Plz..Share it to All,for more visit our islamic web site..
www.anwaarulislam,com.