DARSE JAMIUT TIRMIZI ,CHAPTER : NIKAH , DAY : 272,

Hazrat Abu Hurairah(raziyallahuanhu) se rivayat hai,kaha,Rasool e Akram

(Sallallahualihiwasallam) ne farmaya : Aurat Phasli ki Haddi ki Tarah hai,Agar tum usko Seedha karna Chaho to wo Toot jayegi,aur Agar Tum usko apni Halat pe rakh kaam karoge to Faidah hasil karsakoge.
(Vol/1,H,No :1226),
Dars : Umooman Aksar log is sifat ko alag Andaz me pesh karke kahte hai,ke Aurat phasli ki haddi ki tarah “TEDI”hoti hai,
Jabke uska doosra mafhoom ye bhi hai,ke Phasli ki Haddi ka Teda hona khud ye Insani Badan ki khoobsurti keliye Khoobi hai,aur Wo Mazboot bhi hoti hai,lehaza Aurat Phasli ki Haddi ki tarah Mazboot hoti hai,Apni Baato aur Irado se tedi yani Badalne wali Nahi hoti hai,aur Aurat ka apni baat ko Na badalna hi uski sab se badi khoobi wa Khoobsurti hai,
ab jo Aurate apni Baat se badalti hai,to samjho ke wo Aurat ki khaas khoobi se Mahroom hai,
■■ Aurat me Baaz Sifaat mard Na samajh kar usko Rookne aur badalne ki koshish karta hai,jaisa ke Aurat ki Khoobiyo me se Hazrat Ali (karramallahuwajhahu) ne kaha ke : Aurat Ka Bakheel hona aur uska Darpook hona Shohar keliye aur uske ghar ke liye faidah deta hai,kyu ke jab Aurat Bakheel hoti hai,to wo Be fuzool kharch se bachti hai,aur apne ghar ke kaam ko ache andaz me nibhati hai,
Darpook hoto wo Baher Nahi ghoomti hai,aur wo apne Dar ko door karne ka Sahara apne shohar ko banati hai,aur us se dono me Yaqeen aur Mohabbat,apasi Madad ka rujhaan badh jata hai,ye cheeze zahir me khamiya nazar aati hain,lekin ye Batin me to badi khoobiya hoti hain,
Aysi kayi baate hain,jise hum Aurat me Khami samajhte hain,lekin Haqeeqat me wo khoobiya hoti hain,Lehaza Usko hame samjhne ki koshish karna hai,
Haan,Agar Aurat Islami Taleemaat ke khilaf kaam kar rahi hai,zaroor usko rokna aur tokna chahiye,
Allah Hame apas me Mohabbat karne ki taufeeq ata kare..Ameen.