DARSE JAMIUT TIRMIZI,CHAPTER : NEKI WA HUSNE AKHLAAQ, DAY : 469,Hadees No :2153,

Hazrat Sahal Bin Moaz (raziyallahuanhu)se rivayat hai,Kaha,
Rasool e Akram(Sallallahualihiwasallam)
ne farmaya : Jo Shaks Us Waqt Apne Ghusseh per Qabu pale jabke wo usko Nafiz karsakta ho,to Ayse Shaks ko Allah qiyamat ke din Saare Makhlooq ke saamne bulakar ye ikhtiyar dega ke wo Jis HOOR ko Chahe chun le.
(Vol/2,Hadees No :2153),
Dars : Ghussah Bandeh ki taqat ki Nahi Balke Buzdili ki Alamat hota hai,kyu ke taqatwar to wahi hai,jo Ghusseh ko nafiz karne ki taqat rakhne ke ba wajood usper control kare,jaise hadees e paak me aya hai,ke : Pahelwan wo nahi jo Logo ko Shikist de balke pahelwan to wo hai,jo Apne ghusseh per Qabu rakhe.
(Mishkat ul Masabeeh,Vol/1),
●● Ghusseh ka ilaj : Hadees e Paak me aya hai,ke :Jab Ghussah aye to ye Amal kare :Khade ho to Baith jaye,phir bhi ghussah kam na ho to Lait jaye,phir bhi kam Na ho to Paani peele,aur kasrat se “AWUZU BILLAHI MINASH SHAITANIR RAJEEM” Ka wird kasrat se karte rahe to insha Allah Ghussah kam hojayega.
Allah sabko Na jayiz Ghusseh se Mahfooz kare…Ameen.
Plz..Share it to All,for more visit our islamic web site..anwaarulislam,com.