DARSE JAMIUT TIRMIZI, DAY :874-HADEES NO :2820

Hazrat Sayyidatuna Ayisah Siddiqah(raziyallahuanha  se rivayat hai, kaha: RASOOLULLAH ﷺ NE farmaya: Tum me Sab se Kamil Eima wala Wo Shaks hai,Jiske Akhlaas Behter ho,aur wo Apne Ghar walo per Shafaqqat se pesh aata ho.

(Jamiut Tirmizi, Vol/2,Hadees No :2820)

Dars : Eima ke Bohat se Arkaan,Ahkaam,aur Aadab hain,lekin Baaz Wo Aamal hai,Jo Bandeh ko Kamil Momin Bana dete hain,Jin me se “AKHLAAQ E HASANAH” bhi hain,Jo Shaks Apne Akhlaaq ko Sanwar leta hai,to Wo Logo me Mahboob aur Aasman me Mahmood ban jata hai,aur Koi us se kisi qisam ki shikayat Nahi rakhte hai,Balke uski Madah wa Tareef hi karte hain,

● Akhlaaq e Hasanah ki Tayyari keliye Sab se Behtreen zariyah Seerat E Mustafa sallallahualihiwasallam hai,aur aapki Zaat Saari Ummat keliye Namoonah(ideal) hai,Yani Aapki Sunnato per Chalne se Sawab bhi milta hai,aur Akhlaaq bhi Sanwar jate hain,

■ Ghar walo ke saath Jo jitna Narmi se pesh ayega uska Darjah aur Rutbah Ghar walo ki Nigaho me Badta jayega aur Ghar walo me Izzat,Hifazat aur Etemad wa Bharosah Khud Ba khud paida hojata hai,Jo Ek Kamiyab Ghar keliye Ek Nemat E Azeemah S kam Nahi hota hai,

Ghar walo per Be JA ghussah karma,unko Daante rahna aur unke saath Sakhti se pesh aana unko Sarkash aur Gumrah banane me ziyadah asar andaaz saabit hosakta hai,lehaza Waqt e zaroorat Ghussah karne ki ijazat hai,aur Adab wa Akhlaaq sikhate waqt agar Ghussah karne ki Nawbat ajaye to Ache Andaaz me Daantne aur Ghussah karne ki ijazat hai.

Allah hame Ba Akhlaaq wala Banaye..Ameen.

For more information please visit our website www.anwaarulislam.com

?WRITTEN BY:-

MUFTI RAHMATULLAH QADRI

(FOUNDER MADARSAH ANWAARULISLAM LIL BANAT, TAYYAB NAGAR, MAHBUBNAGAR, TELANGANA),