DARSE JAMIUT TIRMIZI, DAY:879-HADEES NO :2825

Hazrat Sayyiduna Moaz Bin Jabal Raziallahuanhu se rivayat hai, kaha: Mai Ek Safar me Rasoolullah sallallahualihiwasallam ke saath tha,to Ek Mai apke Qareeb huva,Hum chal rahe the to Maine Arz kiya YA Rasoolullah sallallahualihiwasallam koi Aysa Amal Bata de ke jiske Zariyeh Mai jannat me Dakhil hojavu aur Jahannam se Najat paajavu ?

To apne farmaya aye Moaz Apne to Bohat Badi Cheez ke Baare me sawal kiya,jabke Wo Moamlah us shaks keliye Bohat Aasan hai,jis per Allah Aasani karde,

“Allah ki Ibadat karo,uske saath kisi ko Shareek Na karo,

Namaz Qaim karo,

Zakat ada karo,

Ramazan ke Rozeh Rakho,

Hajje Baitullah karo,”

KI Mai tumhe Khair ke Darwazo ke Baare me Na Batavo wo ye hai,ke :

● Rozah Dhaal hai,

● Sadqah Gunaho ko Is tarah khatam kardeta hai,jaisa ke Aag Paani ko Jala deti hai,

● Aadhi Raat me Ibadat karna,

Phir Aap sallallahualihiwasallam ne

تتجافي جنوبهم عن المضاجع…الخ

KI Puri Ayat Padhi,phir Farmaya : kiya Mai tumhe Ahem Moamleh ki Bunyad,Uske Sutoon aur uski Bulandi ke Baare me Na batadu ?

To Aone kaha kyu Nahi ya Rasoolullah sallallahualihiwasallam zaroor bataye:

To aapne farmaya : Moamleh ki Bunyad  ISLAM hai,Uska Sutoon(Pillor) NAMAZ haj,aur uski Bulandi JIHAD hai,phir apne farmaya Kiya tunhe in me se Sab se Ahem moamleh ki Baare me Na batadu ?!

To apne Kaha kyu Nahi ya Rasoolullah sallallahualihiwasallam batayiye to apne Apni Zubane Mubarak ko pakad kar kaha is Cheez ko pakad ke rakho, to Raavi ne kaha tab to Hum sab ki jis baare me Hum Baat karte hai,usme Pakad hogi?!

To apne kaha -Tumhari Maa tum pe Roye-

Phir aapne Farmaya: Aye Moaz Jahannam jinko Daala jata hai,usnki Zubano ki Noko se hi Daala jata hai.

(Jamiut Tirmizi, Vol/2,2825),

Dars : Hadees e shareef me Alhamdulillah jaannat me lejani wali aur jahannam se Najat dene wali cheezo ke baare the bataya gaya,aur Moamleh ki Bunyad,Bulandi aur Uske Sutoon ke Baare me bhi jaankari di gayi to ab hame is per Amal ki zaroorat hai,wo Amal karega Najat payega aur Jo Nahi karega Jahannam me dala jayega,

● Insaan ki Zuban hi Ek Aysi Cheez hai,Jo usko Acha aur Bura Banane me kaleedi role ada karti hai,Allah Hame iske Sharr se Mahfooz rakhe…Ameen YA Rabbal Aalameen bijahi Taha wa Yaseen

For more information please visit our website www.anwaarulislam.com.

?WRITTEN BY:-

MUFTI RAHMATULLAH QADRI

(FOUNDER MADARSAH ANWAARULISLAM LIL BANAT MAHBUBNAGAR,TELANGANA),